آخر المواقف

بدنا اياك تكتبي موقف وتحطي اكثر من موقف عنه 

😂

مثلاً حابة اعرف عن امانة البنات والوقت الي حسوا فيه بالفخر بانفسهن بسبب امانتهن 

💕

ببدا أنا
بيوم كنت في بقالة والكاشير في الزاوية ورا وكان نايم وكانت عندي فرصة كبيرة اني اسرق ومافيه كاميرات تكشفني وحطيت عيني على بطاطا موجودة عند الباب اخذتها وكنت على وشك اني اسرقها لكن فكرت شوي وقلت حرام ورجعتها وقلت للي معي ما يمدون ايدهم على شيء مو لهم

لما كنت صغيره تقريبا 5 سنوات كان اهلي جايبين لي ايباد حق العاب بس المهم وامي كان مو عاجبها الوضع لاني صغيره وابوي يقول عادي وعشان م نقعد عليه كثير ماما صارت تورينا اشاعات الواتس حقت الجوالات وكيف انها مضره وكيف ممكن ينفجر مو بس انا واخواني كمان وهم شوي كانو كبار يعني متوسط واكيد م رح يصدقون وبالنسبه لامي كانت نيتها مو تخوفنا ولا شي بس تبينا نقلل نمسكه ونسمع كلامها واخواني كالعاده كانو على طول يلعبون بالسوني حرفيا اليوم كله انا بالنسبه لي اثر فيني مره وصرت اخاف امسك ايبادي وصرت اصلا يمر يومين وم امسكه الا بالكثير ساعه واختي التؤام كانت عادي تمسكه م فرق معاها فا كنت اشوف اخواني الكبار بس يلعبون بالسوني رحت انصحهم انه مضر قالو لا عادي بس اذا طولنا وقلت انا من اول شايفتكم م فكيتوه قالو لا وبعدين سويت سالفه وماما قالت لا عادي م طولو عليه وبعدين خلاص خليتهم ورحت اقول عند امي شوفيهم بس يلعبون بعدين يروحون المستشفى وماما باقي تقولي عادي وم مرت خمس دقايق الا وانفجر صياح وابكي لاني كنت خايفه عليهم وهم كانو منصدمين مره واخواني جلسو يطقطقون علي وامي تضحك معاهم وتقولهم خلاص فكوه لاتزعلوها واختكم تخاف عليكم ومدري ايش الحين عمري 14 سنه للحين يذكروني بالموقف وربي يفشل 

😭
😭

سلام🤙🏻صلو على النبي🤍
على اي حال موقفي صار قبل كذا ساعه بما انه يوم وطني سعودي اكيد بتصير مواقف غبيه😭طلعت وانا ما شريت علم كنت مخططه امر مكان واشتري فااا قررت اروح المكتبه اكيد عندهم اعلام دخلت ادور علم لقيت علم كبير حلو بس انه في مكان عالي حاولت اوصل له ما قدرت جاء واحد كريهههه طلع اخذ العلم كنت احسب انه بيعطيني اياه مديت يدي عشان اخذه قام راح يحاسب عليه قلت لو سمحت انا كنت باخذه اول قام قال من سبق لبق من القهر كنت بهبده بس مسكت نفسي قمت شسويت سالته كم سعر العلم حطيت الفلوس على الطاوله وسحب العلم ومشيت وذاك الولد يصارخ وراي😭😭قهرني ياخي كنت احسب انه بيسوي زي المسلسلات بياخذه ويعطيني اياه واقول شكرا لك بعدين نحب بعض وكذا بس طلع كريه😭