بابا دايم يودينا المدرسه بدري انا واختي ويوم قررنا يوم ابوي يوصلنا ننتظر ورا المدرسه يتاخر الوقت شوي نرجع المدرسه سويناها مرتين تقريبا وكلمنا صديقاتنا وقالو خلاص المره الجايه نجي معاكم وخططنا نروح البقاله وجينا بدري ومن عند الباب قابلنا بعض ونمسك لك ركض وبعدين شفنا سياره جايه علينا طالعة اداريه شافتنا ومصورتنا ونحنا طالعين من المدرسه وقالت يلا ارجعو بسرعه وكنا مغطيين وجوهنا وحاولنا قد مانقدر نركض للمدرسه بسرعع ونختلط مع البنات ومايعرفو مين احنا بس في استاذه شافتنا داخلين ونركض وتخيلو صديقتي طاحت طرحتها عند باب المدرسه والاداريه طلعت مو من مدرستنا من الابتدائيه الي جمبنا وقالت خليهم يطلعون يعترفون انا مصوره شنطتهم وفعلا اعترفنا والاستاذه وقعت اسامينا وجلسنا نقنعها ماتعلم اهلنا قالت مستحيل لا تتفاهمون معي تفاهموا مع المديره المهم سكتنا وماصار شي ورجعنا فصولنا ورحنا نكلم المرشده وخلتنا نكتب كل شي سويناه بورقه وعلموا اهالينا وانتها الموضوع وبالفسحه الا وينادونا الاداره ونروح وقالو يلا طلعو جوالاتكم وجلسنا نحلف ماجبنا وتقول لا تتغابون نحنا شفنا من الكميرا والمشكله ما كنا جايبين وقلنالهم يدقوا على اهلنا يسالوهم عن جوالتنا بالبيت وقلنالهم يفتشونا بس الاستاذه خلاص صدقتنا قالت خلاص ارجعو وكملنا يومنا طبيعي وراحت صديقتي الاداره تحت تاخذ طرحتها الغريب ان المديره جلست تضحك وتقول حتى طرحتك لها اثر وماهاوشتها الحمدلله 

😭
😭

وبس حابه اقول حسبي الله ونعم الوكيل بالاستاذه الي ظلمتنا وقالت نحنا جايبين جوالاتنا ومصورين الله لا يوفقها واحتمال بعد نرفع فيها بلاغ لان الاداره ماكان راح يسكتون لنا والله ستر علينا