احس مادري كيف اقولكم واحسكم ماتعتبروه موقف بس بخاطري اقول اسمي ليان من جدة لما كنت بالروضة كان عندي صديقة اسمها نالة حرفيا كنا نعتبر بعض كل شيء اخوات حرفيا.. او يمكن بالنسبه لي بس مادري🤷‍♀️ بس جد انو كنا نفس الغباء ونفس الذكاء ونلعب مع بعض لين ندوخ كانت روضتنا فيها من جوة في حديقة صغيرة فيها العاب افتكر كانو يعطونا نص ساعه نلعب فيها من مراجيح ومن شبكة نتسلق فيها ومن زحليقات وكنا نعتبر الي ي/تتسلق الشبكة أقوى شخص😭 وكنا انا وهي نجلس بنفس المرجيحه وبما انو المرجيحه متعلقة بعامود الزحليقة فا كنا نمسك طرف الزحليقة ونقعد نلف على الجهة الثانيه الين سلسلة المرجيحه تتربط فبعض بعدين نفلتها وتدور فينا الين ندوخ ونضحككك وننزل منها واحنا نطيح دايخين ونفكها ضحك ويقعدو يطالعو فينا كأننا مجانين😭 بس افتكر كنا لما تخاصم نسوي ذيك الحركه يمكن بعضكم يفتكرها والثاني لا بس كنا نسوي كذا 👈🏻👉🏻 واحط اصباعي بينهم عل اساس اقطع الحبل ونقعد كذا يوم ويمين متزاعلين وعشان تقهرني كانت تقعد مع البنات يغنو طني ورور وتجبلهم شوكولاتات كنت ازعل الصراحه بس بعدها نرجع عادي ونضحك وكذا مره الروضة سوولنا رحلة لتشيكي تشيز افتكر وقتها ضعت بالدور الثاني والبكيه بتطلع الا اشوفها واجري عليها ضعنا مع بعض ولقينا الابله بالقوة😭 واحس كيوت لما افتكر لأنو احسها ذكريات ماتتكرر خصوصا معاها فا دخلنا نفس الابتدائي أولى ابتدائي عدت بمشاكلها وفرحتها والعابها ودخلنا ثاني ابتدائي برضو وفي ثاني ابتدائي قالتلي ممكن تنقل مدرسة ثانية وانا زعللتت مررهه افتكر رجعت البيت ابكي لأنها صديقتي الوحيده وقتها احس كان عندي فريندز ايشوز مرات البنات مايطيقوني مدري ليه وايش كنت اسوي فا المهم لما نالة نقلت افتكر نقلت يمكن بأخر يوم بالترم الأول اتوقع جات امها واخذت ملفها وراحو بعد ماحضننا بعض وخلصنا ودحين انا ثالث متوسط مرت ٨ سنين تقريبا ولين اليوم افتكرها مادري عايشة ميته مريضة او بعافيتها بس اتمنى من كل قلبي تكون حيه وبصحة وعافية وانو ربي يجمعنا على خير ولو بالصدف ادري تكلمت كثير بس ماتعرفو قد ايش الموضوع يعنيلي وحبيت اقول ممكن يطلع لها بالصدفة او لأحد يعرفها الله اعلم🤷‍♀️💗💗