ارحبو يالمتابيع نلوش هنا زمان عنكم صدق وحشتوني!
طبعا نبدأ موقفنا باعوذ بالله من فقدان الشغف و من التعب
عشان الجامعه ما انام الا 5 او 4 ساعات و اداوم و مرات دوامي يستمر للساعه 5
على كل حال يوم الخميس داومت و كنت مره نعسانه و انا بالعادة بعد ما اخلص احب اقعد ساعه و نص بالجامعه اتدرب على التنس فقلت لأهلي اخلص 1:30 و انا اصلا مخلصه من 12 بس عطيتهم خبر لان نت الجامعه مطفي ما بيوصلني شي المهم خلصت تدريب التنس و انتظرت اتصال من اخوي الساعه 1:30 و ما اتصل قمت انسدحت و قلت يلا غفوه 10 دقايق ما تضر! نمت و ما صحيت الا الساعه 5 و اشوف جوالي 5 اتصالات من اخوي و27 اتصال من امي و 17 اتصال من ابوي صدع راسي يجماعه سمعت الأسئلة الثلاثه و انا جالسه قمت و ارجع ادق على اخوي و ما تسمعون الا صراخه انتي وين و انا أدق و و و قلت نااااييمهه الحين اجيك خلاص و رحت للسيارة و خذلكم المحاضرات يجماعه رجعت البيت امي معطيتني محاضرة و دق ابوي و أعطاني محاضرة حسيت كتمه المهم قلت لهم اوك و رحت نمت الين الساعه 7 قوموني عشان اشتري ملابس اشتريت و رجعت البيت و لما جيت بنام جاني اشعار انه دكتورة المهارات الأكاديمية السلوكية نزلت اختبار تجريبي و رحت احله و ابشركم جبت 0 من زود الفلاحة المهم قفلت الاختبار و رحت لأمي قلت جبت 0 و رجعت لغرفتي و كملت نوم لليوم الساعه 10
أعوذ بالله من التبلد و فقدان الشغف بس اهلي بيمسكون السالفه علي محتفلين بفشلي وشذا صدق توقع الخذلان من اقرب الناس وشذا تحتفلون بفشلي

😭
😭
😭

؟؟؟